गेल्या पाच वर्षांपासून निपाणीत निरंतर रुग्णसेवा आणि समाजसेवेचे कार्य करणाऱ्या आमच्या संस्थेने कोविड काळातही उल्लेखनीय कार्य केले, ज्याचे संपूर्ण निपाणी परिसरात कौतुक झाले आहे.
समाजसेवा आणि रत्नशास्त्रातील सखोल ज्ञान यासाठी ओळखले जाणारे स्व. एच. एम. मोतीवाले साहेब हे निपाणीतील एक प्रतिष्ठित व्यक्तिमत्त्व होते. समाजकार्य आणि रत्नशास्त्र यामध्ये त्यांचे योगदान अमूल्य होते. त्यांच्या अमृत महोत्सवी जयंतीनिमित्त, त्यांचे सुपुत्र आणि सुप्रसिद्ध रत्नशास्त्री श्री. ए. एच. मोतीवाले यांनी आमच्या दवाखान्यास भेट देऊन ₹50,001/- (रुपये पन्नास हजार एक) रोख रक्कम देणगी स्वरूपात प्रदान केली.
त्यांनी संस्थेच्या पुढील कार्यासाठी मनःपूर्वक शुभेच्छा दिल्या आणि ही सेवा अधिकाधिक प्रगती करावी, अशी सदिच्छा व्यक्त केली. महावीर आरोग्य सेवा संघ परिवार त्यांच्या या योगदानाबद्दल मनःपूर्वक आभार मानतो.
आपली साथ आणि शुभेच्छा आमच्यासोबत असोत!
